بسم الله الرحمن الرحيم

اليوم الأحد الموافق ‏18‏/01‏/2009

الساعة :‏03:08:51 م

خلوني أبداء من آخر ما أنتهيت له وهو قصتي مع المدير الي كان أكبر دافع لي أني أعمل رجيم ... المهم بعد نصائح المدير لي قررت أني أعمل رجيم بعد ما انتهى الدوام رجعت للبيت وفكرت أول أني أروح لدكتور تغذيه وأنا قد سمعت عن دكتور في مركز أسمه الرثوية وأنه ممتاز والي يدخل عنده يطلع وهو نحيف ... فأنا شديت على إزاري وامتطيت صهوة الحصان وجريت به نحو المركز "" فلم بدوي "" خخخخخخ المهم بعد ما رحت للمركز الطبي دخلت عليهم السلام عليكم رد علي الموظف وعليكم السلام عندكم دكتور تغذي قال أي واسمه بورنو يوم أنا يوم قال اسمه بورنو قلت أمش يا سمين كول بورنو هذا هو الي بينحفك ^_^ قلت أوكي أبغى أدخل عنده قال تلاقيه في قسم التغذيه ودلني على المكان المهم دخلت على قسم التغذية ورحت لقسم التغذية وأنا أنتظر أني أدخل على الدكتور أشوف الأجسام الحلوة الي تدخل على الدكتور "" الحمد لله الله لا يبلانا" واحد قفاه كبير والثاني وجهه أكبر من جسمه والثالث زنوده كأنها فخده " الزنود يعني الزند" أشكال و ألوان وطبعاً أنا لا تسألون عن شكلي خخخخخخخخخخ .
دخلت لعيادة الدكتور كان رجال كبير في السن المهم سألني ها أيش عندك رديت بس سلامتك أبي منك صدقه يعني أيش ابغى واحد دب سمين بطنه يسبق جسمه دخل عند دكتور تغذيه ايش يبغى أكيد نظام غذائي علشان ينحف
المهم ويضحك ويقول كنت أمزح معاك قلت أكيد تمزح !!! و عطني المختصر المفيد أيش نظامك أو كيف طرقت علاجك .. قال أنا راح أعطيك نظام غذائي على حسب فصيلة دمك وراح أحسب نسبت الدهون والماء في جسمك .. وقال لي أنبطح على السرير وجاب جهاز وفي نهاية الجهاز أسلاك وضعها الدكتور على جسمي وحسب نسبة الدهون والمويه في الجسم ..... الخ وطبعاً كانت الموظفة موجوده وهو يقيس وقاعده تناظر فس سيقاني وتضحك... وأنا أقول في نفسي بنشوف مين راح يضحك في الأخير ....
المهم بعد ما قاس الدكتور نسبة الدهون .. الخ ... طلع من درجه أربع أو ثلاث أوراق وشغل المسجل حقه وقال كل من هذا ولا تاكل من ذاك وكل فستق وكان حاط قدامه صحن فستق وياخذ قفشه منه ويعلمني كيف آكل!!! وكثر من شرب المويه وكل تفاحه قبل الأكل نفس كلام مديري خخخخ وانا اناظر فيه واقول هذا بورنوا الي صجوني فيه المهم طلعت من عندهم وجدعت الأوراق من السيارة وأنا ماشي "" جدعت يعني رميت "" والمشكله مات قال لي أنك محتاج مثلاً 1000 كالوري في اليوم وكم المتوقع منك أنك تنقص في الأسبوع ولا شيئ فقط يردد الكلام الي هو حافظه يعني راسه فاضي . وبعدها ورحت على البيت ولسه فكرت الرجيم في راسي وصرت أبحث في الإنترنت على رجيم ... وأول شيء وجدته خلطت الشاي الأخضر مع الزنجبيل والنعناع ، "وهذه لها قصه ثانيه "رحت للعطار وشريت منه كامل

الأغراض المطلوبة علشان إبداء بالرجيم من الغد إن شاء الله .

و معليش غداً إن شاء الله أكمل باقي اليوميات

adios